Барак обама японийигә йетип кәлди

Америка президенти барак обама бүгүн г20 дөләтлириниң муқим вә тәңпуң иқтисадий тәрәққиятни давам қилдуруш үчүн бирликтә һәрикәт қилидиғанлиқини билдүрди.
Мухбиримиз ирадә
2010.11.12
Share on WhatsApp
Share on WhatsApp

Бирләшмә агентлиқиниң хәвәр қилишичә, бу қетимлиқ тәрәққий қилған вә қиливатқан 20 дөләт башлиқлири йиғинида америка вә хитай арисидики пул қиммити мәсилиси алаһидә күн тәртипкә кәлгән. Америка президенти барак обама хитайниң пул қиммитини қәстән контрол қилиши нәтиҗисидә америка вә башқа дөләтләрниң иқтисади җәһәттә зиян тартиватқанлиқини оттуриға қойған.

Обама йиғиндин кейин қилған сөзидә пул қиммити мәсилисини һәл қилиш үчүн техиму көп иш кетидиғанлиқини, г 20 дөләт рәһбәрлириниң пулниң обороттики алмишиш қиммитини әркин базарниң бәлгилиши керәклики һәққидә ортақ қарар алғанлиқини ейтқан.

Мәлум болушичә, америка президенти барак обама г 20 дөләтлириниң сийулдики учришишини аяғлаштуруп, японийиниң йокохома шәһиригә йетип кәлгән. Обама бу йәрдә асия тенч окян иқтсадий һәмкарлиқ тәшкилатиниң йиғиниға қатнишиду. Барак обама йиғинда асиядики дөләтләр арисида әркин тиҗарәт келишиминиң имзалиниши үчүн бесим ишлитидикән.

Бүгүн хитай президенти хуҗинтавму йиғинға қатнишиш үчүн японийигә йетип кәлди. Бу униң японийә билән хитай арисида кемә вәқәси сәвәблик йүз бәргән дипломатик сүркилиштин кейин тунҗи қетим японийигә келиши болуп һесаблиниду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.