Ош вәқәсиниң икки йиллиқи хатириләнди

Пәрғанә ториниң йезишичә, хатириләш паалийитигә қирғизистан президенти алмасбәк атамбайев қатарлиқ юқири дәриҗилик дөләт рәһбәлири келип қатнашқан һәмдә “ана көз йеши” дәп аталған ош вәқәсиниң хатирә мунари алдиға берип, вәқәдә өлгәнләргә тәзийә билдүргән.

Буниңдин икки йил илгири, йәни 2010 - йили, 10 - 13 - - июн күнлири қирғизистанниң җәнубидики ош вә җалал абад шәһәрлиридә қирғизлар билән өзбекләр арисида қанлиқ етник тоқунуш келип чиққан иди, болупму ош шәһиридики тоқунуш әң еғир болуп, һөкүмәт тәрәп бу вәқәдә 400 дин артуқ адәмниң өлгәнликини билдүрсиму, лекин ғәйри рәсми мәнбәләр 1000 дин артуқ адәмниң һаятидин айрилғанлиқини хатирилимәктә. Ош қирғинчилиқи түпәйлидин 100 миңдин артуқ өзбек қошна өзбекистанға қечип кәткән болсиму, бирақ улар кейин бир - бирләп қайтурулған иди.