ئۇيغۇر ئېلىنىڭ پىچان ناھىيىسىدە خىتايدىكى ئەڭ چوڭ خام نېفىت ئامبىرى قۇرۇلدى

خىتايدىكى ئەڭ چوڭ خام نېفىت ئامبىرى ئۇيغۇر ئېلىنىڭ پىچان ناھىيىسىدە قۇرۇلغان بولۇپ، خىتاي ئاخباراتلىرىدا كۆرسىتىلىشىچە، نۆۋەتتە مەزكۇر نېفىت ئامبىرىنىڭ ئالدىن پۈتكەن چوڭ باكلىرىغا خام نېفىت تولدۇرۇلۇشقا باشلىغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2008-12-25
Share

شىنجاڭ ئامانلىق تورىدا كۆرسىتىلىشىچە، مەزكۇر نېفىت ئامبىرىنى جۇڭگو نېفىت ۋە تەبىئىي گاز ھەسسىدارلىق شىركىتى قارمىقىدىكى شىنجاڭ نېفىتلىك شىركىتى ياساپ چىققان.

خەۋەردە شىنجاڭ نېفىتلىك شىركىتى خام ئەشيا ۋە قۇرۇلۇش ھۆددىگەرلىك تۈرىگە مەسئۇل ۋاڭ يۈەخۇانىڭ ئېيتقانلىرىنى نەقىل ئېلىپ كۆرسىتىشىچە، پىچان ناھىيىسىدە قۇرۇلغان نېفىت ئامبىرىنىڭ ئومۇمىي ھەجمى 8 مىليون كۇبمېتىر بولۇپ، 6مىليارد 500 مىليون يۈەن مەبلەغ سېلىنغان.

مەلۇم بولۇشىچە، بۇ قۇرۇلۇش تۈرىنىڭ ئىچىدىكى پەقەت بىر نېفىت ئامبىرىنىڭ ھەجىمى بىر مىليون كۇبمېتىر، ئىگىلىگەن يەر كۆلىمى 480 مو بولۇپ، نۆۋەتتە قازاقىستاندىن توشۇپ كېلىنگەن خام نېفىت قويۇلۇشقا باشلىغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت