Saqchilar hazir qeshqerde qachaq jinayetchini qoghlap tutush dégen heriketni bashlighan

B b s ning bayan qilishiche, qeshqerde bügün kech sa'et 3 tin 40 minut ötkende,yémek bazirida partlash xaraktérlik hujum weqesi yüz bergendin kéyin, shinxu'a agéntliqining xewirige asaslan'ghanda, xitay saqchiliri hazir qeshqerde qatnashni cheklep, qachaqtiki jinayetchini qoghlap tutush dégen bir heriketni bashlighan.
Muxbirimiz weli
2011.07.31

Qeshqerde xitaylar zich olturaqlashqan rayondiki yémek baziridin, qeshqerge kelgili 7 yil bolghan , hazir mushu yéngi bazarda dukan échiwatqan fen famililik bir kishining téléfon arqiliq éytip mingbaw gézitige bayan qilishiche, bügün yémek bazirida weqe yüz bergendin kéyinla qatnash cheklen'gen.

Uning éytishiche, bu bazardiki dukanlar, yaymilar taqilip ketken. U kishi, weqe chiqti, lükcheklerde qoral bar iken, dégen waqirashlarni anglap, qoligha kaltek élip etrapqa qarighanda, bir qolida éqiwatqan qanni sürtüp, yene bir qolida téléfon qiliwatqan ademlerni körgen, dukan, yaymilirini taqighach, emdi yurtumgha qaytimen, dewatqan awazlarni anglighan. Hazir ichkiridin qeshqerge kelgen tughqanliridin ensirep téléfon qiliwatqan adem nahayiti köp.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.