Рабийә қадир ханим америкида кишилик һоқуқ мукапатиға еришти

Уйғур миллий һәрикити рәһбири рабийә қадир ханим америкидики бир кишилик һоқуқ тәшкилатиниң йиллиқ “хәлқаралиқ әркинлик мукапати” ға еришти.
Мухбиримиз җүмә
2012.11.14


Мукапатни виргинийә штати ричмонд шәһиригә җайлашқан “биринчи әркинлик мәркизи” тарқатқан болуп, мукапат рабийә қадир ханимниң уйғурларниң диний етиқад әркинликини илгири сүрүштә қошқан төһпилиригә берилгән.

Бу йиллиқ мукапат рабийә қадир ханим билән бирликтә йәнә вилям вә мәрий институтиниң мудири тайлор ревелй һәмдә “кишилик һоқуқ биринчи” тәшкилатидики тад станке қатарлиқ кишиләргә берилди.

“хәлқаралиқ әркинлик мукапати” һәр йили 16 - июл виргинийә штатида хатирилинидиған “диний әркинлик күни” ни мунасивити билән йилда бир қетим тарқитилиду.

Рабийә қадир ханим илгири норвегийиниң “рафто кишилик һоқуқ мукапати” ға еришкән вә бир нәччә қетим “нобел тинчлиқ мукапати” ға намзатлиққа көрситилгән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.