Xitay da'iriliri shangxeyde yüz bergen ot kétish weqesidiki jawabkarlarni sotlidi

Xitay metbu'atlirining bildürüshiche, shangxeydiki bir sot mehkimisi seyshenbe küni sot échip, bultur 11-ayda shangxeyning enning rayonidiki köp qewetlik ahaliler olturaq binasida yüz bergen ot kétish weqeside “58 Kishining köyüp ölüshige sewebkar” dep qolgha élin'ghan 4 neper hökümet emeldari üstidin höküm élan qilghan.
Muxbirimiz méhriban
2011.08.02

Sotta shangxey shehiri enning rayonluq qurulush-qatnash komitétining mudiri gaw wéyjong hem bashqa 3 neper xizmetchi xadimi “Xizmet qulayliqidin paydilinip, qurulush shirketliridin payda élishnila közligen. Qurulush süpitige kapaletlik qilmay, xelqning hayatigha zamin bolghan” dégen jinayet bilen eyiblinip, 16-yildin 13 yilghiche muddetlik qamaq jazasigha höküm qilin'ghan.

Yéqinqi yillardin buyan xitayda olturaq öy, mektep, tömüryol we tashyol qurulushlirida, süpetning töwen bolushi seweblik herxil hadisiler barghanche köpiyiwatqan bolup, bular xitay puqralirining xiyanetchi emeldarlar we xitay hökümitige bolghan naraziliqini barghanche kücheytken.

 Téxi ötken aydila shangxey-wénju tömüryol liniyiside yüz bergen poyiz weqesiningmu tömüryol qurulush eslihelirining ölchemsizliki sewebidin kélip chiqqanliqi ilgiri sürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.