Шаңхәй һәмкарлиқ тәшкилатиниң баш секритарлиқиға қирғиз миллитидин болған киши тәйинләнди

Мәзкур тәшкилатниң биринчи қетимлиқ секритарлиқ вәзиписини хитай тәрәптин җаң дегуаң атқурған иди.

Мәркизий асия ториниң йезишичә, қирғизистанлиқ 53 яшлиқ дипломат муратбек иманалийев русийә мухбири аркадий дубновниң зияритини қобул қилғанда өзиниң москва университетиниң асия - африқа иниститутини пүттүргәнликини вә хитай тилини яхши билидиғанлиқини билдүргән.

У қирғизистанниң хитайда турушлуқ баш әлчиси болған һәмдә сабиқ президент әсқәр ақайев дәвридә икки нөвәт қирғизистан ташқи ишлар министирилиқ вәзиписини атқурған иди. Униң бу қетимқи муһим вәзипигә олтуришида һазирқи президент қурманбәк бақийев уни намзатлиққа көрсәткән.

Қирғизистан мәтбуатлириниң йезишичә, муратбек иманалийев қирғизистанниң хитай билән болған мунасивитини илгири сүрүш вә хитай билән қоюқ мунасивәт орнитиш тәрәпдари болуп һесаблинидикән.

У мухбирға өзиниң хитай тилини яхши билидиғанлиқи һәмдә хитай, русийә вә башқа шаңхәй гуруһидики дөләтләрдики дипломатлар арисида өзиниң көп достлириниң барлиқини тәкитлигән һәмдә рус тилиниң қирғизистанда  муһим дәп қарилидиғанлиқини тәкитлигән.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар