Shangxey hemkarliq teshkilatining “Tinchliq burchi 2012‏” namliq manéwiri tajikistanda bashlandi

Manéwir xojent shehiri, soghdi oblastining bayan taghliq rayoni we taghliq bedexshan qatarliq rayonlardiki tagh jilghilirida ötküzülidu. Manéwirgha mezkur organ'gha eza döletlerning hawa armiye, topchi we bronéwik qisimliri qatnashqan. Xitay mg-17 belgilik 6 tik uchar, alte zembirek we 22 herbiy aptomobildin teshkil tapqan 369 kishilik bir herbiy qisimni qirghizistan arqiliq tajikistan'gha ewetken idi.

Közetküchilerning ilgiri sürüshiche, xitayning meqsiti bu xil manéwir arqiliq gherb qisimliri afghanistandin chékin'gendin kéyin, sherqiy türkistan musteqilchi küchliridin kélidighan her qandaq bir qoralliq tehditke qarshi teyyarliq qilishtur. Rusiye, xitay, qazaqistan, qirghizistan we tajikistan qatarliq döletlerdin kelgen 2000 din artuq esker 14‏-maygha qeder manéwir élip bérip, atalmish térrorluqqa birliship qarshi turush iqtidarini östürüsh meshiqi élip baridu.

Mezkur manéwir shangxey hemkarliq teshkilatining béyjingda échilghan burnakünki bashliqlar yighinidin kéyin bashlan'ghan. Gerche yighin jeryanida xitay shangxey hemkarliq teshkilatining herbiy ittipaqqa aylanmaydighanliqini bildürgen bolsimu, biraq kishiler mezkur organning barghanséri gherb bilen qarshilishidighan bir herbiy teshkilatqa aylinip qélishidin endishe qilmaqta.