Uyghur rayonida “Partiye we xelqning tili” bolghan shinjang géziti yenila zorlap sétilmaqta

Uyghur aptonom rayonluq partkom ishxanisi yéqinda mexsus höjjet chüshürüp, herqaysi idare-organ, zawut-karxana wo soda shirketlirini, adette partiye we xelqning tili dep teriplewatqan shinjang gézitige mushteri bolushqa chaqirghan.
Muxbirimiz shöhret hoshur
2012-10-22
Share

Höjjette her bir idare az dégende shinjang gézitidin bir san'gha mushteri bolushi, ishchi-xizmetchiler mushteriliqqa bir tutash qobul qilinishi we mushteri qobul qilish ishigha, idarining birinchi bashliqi mes'ul bolushi telep qilin'ghan.

Adette, partiye we xelqning tili dep tonushturuluwatqan 60 yilliq tarixqa ige bir gézitke téxiche mejburiy mushteri qobul qilish, weziyet közetküchilirining diqqitini tartmaqta. Uyghur közetküchilerning qarishiche, shinjang gézitining zorlap sétilishi, rayondiki xelq ichide xitay axbarat uchurlirigha bolghan ishenchsizlik we xitay teshwiqatliridin bizarliqning yene bir ipadisi.

Shinjang xewer torining bügünki bu heqtiki xewiride bayan qilinishiche, mezkur höjjette mushteri qobul qilish ishini yaxshi ishlesh-ishlimeslik, mes'ul rehberning siyasiy mes'uliyet tuyghusining namayendisi dep körsitilgen.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet