Xitay ölkiliridiki shinjang toluq ottura sinipining oqughuchiliri 27 minggha yetküzülmekchi

Xitay ölkiliride shinjang toluq ottura sinipini tunji qétim 2000-yili tesis qilghan we shu yili 1000 neper oqughuchi qobul qilghan. Shuningdin kéyin her yili qobul qilidighan sani yilmu-yil éship, bu yilgha kelgende 8300 oqughuchi qobul qilish pilanlan'ghan.
Muxbirimiz shöhret hoshur
2012-07-30
Élxet
Pikir
Share
Print

Bu pilan boyiche, shinjang toluq ottura sinipi tesis qilghan sheherler 44 tin 45 ke, bu sheherlerdiki omumi sinip sani bolsa, 76 din 85 ke yetküzüldi؛ omumi oqughuchi sani bolsa 27 minggha yetküzülidu.

Bügün tengritagh torining bu heqtiki xewiride, mezkur siniplarning tézlikte kéngeytilishi xitayning Uyghurlargha qaratqan ghemxorluq siyasitining bir parchisi süpitide tonushturulghan. Emma merkizi milletler uniwérsitétining dotsénti ilham toxti aldinqi yili, ana tilini chetke qaqqan herqandaq bir ma'ariptin Uyghur xelqining mutleq köp qismining razi emeslikini bildürgen. Melum bolushiche, xitay hökümiti mezkur siniplarni tesis qilishta, Uyghur ewladlirining milliy éngini suslashturush arqiliq Uyghur élidiki hakimiyitini mustehkemleshni közlimekte.

Bezi chet'ellik közetküchiler, xitayning bu nuqtida chotni xata soquwatqanliqini bildürgen we aljiriyini fransiye mustemlikisidin azad qilghanlarning ana tilida telim alghanlar emes, belki fransuzche telim alghanlar ikenlikini eskertken.

Toluq bet