Америка һазир сүрийә мәсилиси һәққидә йеңи тәклип қарар лайиһиләватиду

Бирләшмә агентлиқиниң баян қилишичә, америка һазир сүрийә мәсилиси һәққидә бир йеңи тәклип қарар лайиһиләватиду.
Мухбиримиз вәли
2012.02.29
Share on WhatsApp
Share on WhatsApp

Бу тәклип қарарда, сүрийидә намайиш қилғанлар қирғинчилиққа учриған районларға әвәтилгән инсанпәрвәрлик ярдәм, һәргиз тосқунлуққа учримаслиқ керәк дәп көрситилгән. Әгәр б д т да бу тәклип қарарға аваз берилсә, бу, сүрийидә он бир айдин буян давам қиливатқан кризисни һәл қилиш тоғрисида үчинчи қетим оттуриға қоюлған тәклип болуп һесаблиниду.

Франсийә ташқи ишлар министири җуппә, б д т да үчинчи қетим музакирә қилиниватқан бу тәклип һәққидә баянат елан қилип, хитай билән русийини, бу инсанпәрвәрлик қарарни вито қилмаслиққа чақирди. Буниңдин бурун сүрийә кризисини һәл қилиш тоғрисида әнглийә, франсийә, германийиләрниң әрәб бирликиниң тәшәббусини қоллап йоллиған икки тәклип лайиһә русийә билән хитай тәрипидин вито қилинған иди.

Б д т бихәтәрлик кеңишидики дипломатларниң ейтишичә, бу тәклип қарар һазир беҗириливатиду. Гәрчә бу қетимқи тәклип қарарниң муһим нуқтиси инсанпәрвәрлик ярдәм болсиму, әмма униңда йәнила сүрийә кризисини сүрийә һөкүмити кәлтүрүп чиқарған дәп ениқ көрситилгән болғачқа, буниң нәтиҗиси қандақ болидиғанлиқини тәсәввур қилиш қейин.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.