Сүрийә айропиланлириниң явропа айродромлириға қонуши чәкләнди

Бүгүн явропа бирлики сүрийә вәзийити һәққидә йеңи қарар мақуллап, сүрийигә қарита йолға қоюватқан ембаргони йәнә бир балдақ күчләндүрди.
Мухбиримиз шөһрәт һошур
2012-07-23
Share

Йеңи қарар бойичә, сүрийә һава йоллири ширкитигә аит болған айропиланларниң явропа айродромлириға қонушиға рухсәт қилинмайду; пәқәт явропа һава тәвәликидин өтүшигә вә җиддий қутқузуш еһтияҗи билән қонушиға рухсәт қилиниду. явропаниң бүгүнки йеңи ембарго қарарида йәнә, сүрийидики 30 әмәлдарниң явропа дөләтлиридики мал-бисатини тоңлитиш тәшәббус қилинған. Мәлум болушичә, бу әмәлдарларниң мутләқ көп қисми нөвәттә сүрийә армийисидә вәзипә өтимәктә.

Явропа бирлики сүрийә һөкүмитигә қарши ембаргони күчәйтиш билән бирликтә, сүрийидин қачқан панаһланғучиларға техиму көп ярдәм бериш вә өктичи күчләрни қоллаш, қоллиғандиму әмәлий вә үнүмлүк қоллашни қарарлаштурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт