Ливийидин кейин сүрийә вәзийитиму ғәрб дөләтлириниң диққитини тартмақта
2011.04.26
Мәлум болушичә, сүрийидики намайишларниң башланғуч нуқтиси вә мәркизи болуп туруватқан дара шәһиридә намайишчилардин йәнә 25 киши өлгән.
Сүрийидики инсан һәқлири тәшкилатлириниң баян қилишичә, буниң билән сүрийидә намайиш башланғандин буян һөкүмәтниң зораванлиқ тәдбир қоллинишида өлгүчиләрниң сани 400гә йәткән.
Бүгүн йәнә сүрийә һөкүмити дара шәһиригә йәнә бир түркүм әскәр вә сақчиларни әвәткән. Сүрийә армийиси дараға әвәтилгән қошунниң вәзиписини дарадики пуқраларни террорчиларниң зиянкәшликидин қоғдаш дәп чүшәндүргән.
Сүрийидики вәзийәтниң җиддийлишиши ғәрб дөләтлириниң әндишисини қозғимақта. Түнүгүн әнглийә сүрийә һөкүмитигә күчлүк бир сигнал берип қоюш үчүн, б д т вә натодики һәмкарлири билән музакирә елип бериватқанлиқини билдүрсә; франсийә билән италийә “сүрийидики вәзийәтни қобул қилғили болмайду” дәп ипадә билдүрди.
Вашингтон дәмәшқтики әлчисигә сүрийидин қайтип келиш буйруқи чүшүрүп, сүрийә һөкүмитигә қарши мәйданидики җиддийликини ипадилиди.
Түркийә мәтбуатлириниң хәвәр қилишичә, түркийә баш министири рәҗәп тайип әрдоғанму бүгүн президент бәшәр әсад билән телефонда сөзлишип, уни ислаһат қәдимини тезлитишкә чақирди.
Көп көрүлгән хәвәрләр
RFA
- Йүннән тоңхәй сақчи хадими: “мәсчит вәқәсигә четишлиқ кишиләр өзини мәлум қилса кәңчиликкә еришиду”
- Долқун әйса билән хитай баш әлчиси оттурисидики кәскин тартишма биразилийә мәтбуатлиридин орун алған
- Түркийә президент сайлимида рәҗәп таййп әрдоған утти
- Нури түркәл: “бу ирқий қирғинчилиқни тохтитиш американиң иқтисади вә хәвпсизликини қоғдаш үчүнму муһим”
- Д у қ вәкиллири латин америкаси дөләтлиридә уйғур ирқий қирғинчилиқини етирап қилдуруш паалийити башлиған