Тәңритағ ториниң уйғурчә микроблоги ечилди әмма униңға тизимлитиш қейин

Бүгүн уйғур аптоном район даирилири ахбарат елан қилиш йиғини өткүзүп, тәңритағ торида мәхсус уйғур тилидики микроблог ечилғанлиқини тәбриклиди.
Мухбиримиз ирадә
2012-03-01
Share

Хәвәрдә ейтилишичә, мәзкур блог пүткүл мәмликәт бойичә бирдин-бир уйғур тилидики микроблог болуп, бу микроблог арқилиқ абонтлар һәр саһәгә аит қизиқ темилар вә җәмийәттики вәқәләргә нисбәтән өз көз-қарашлирини ортақлишалайдикән.

Әмма мәзкур блогға тизимлитиш рәсмийәтлириниң мурәккәплики болса юқиридики еһтималлиқни чәткә қақмақта. Мәзкур блогға тизимлитиш үчүн чоқум ениқ исим-фамилә ишлитилиш шәрт болғанниң үстигә, бу исим фамилә чоқум шу киши тәвә идарә-органлар тәрипидин тәстиқлиниши, тизимлитиш җәдвили чоқум админлар тәрипидин тәстиқлиниши керәк икән.

Даириләр бу хил тәдбирләрниң сәвәбини “учур бихәтәрликигә капаләтлик қилиш” дәп көрсәткән.

Хәлқ гезитиниң бу һәқтә инглизчә тарқатқан хәвиридә, бу микроблог хәлқниң һәрқандақ дәрдини һөкүмәткә ейтидиған вә хәлқ билән һөкүмәтни йеқинлаштуридиған яхши қанили, дәп тәшвиқ қилинған.

Әмма, хәлқаралиқ мәшһур микроблог “тивиттр” хитай пуқралириниң әркин-азадә һалда һөкүмәтниң иҗралирини тәнқид қилидиған вә иҗтимаий мәсилиләр һәққидә пикир алмаштуридиған соруниға айлинип қалғанлиқи үчүн хитай һөкүмитиниң қара тизимликигә елинип, хитайда ечилмайдиған қилип қоюлған иди. 5-Июл вәқәсидин кейин тақиветилгән нурғун уйғурчә муназирә тор бәтлириму охшаш сәвәб билән тақиветилгән вә админлири қолға елинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт