Тибәт сүргүндики һөкүмити хәлқара җәмийәтни киртй ибадәтханиси вәқәсигә арилишишқа чақирди

Тибәт сүргүндики һөкүмити 23- апрел күни баянат елан қилип, хәлқара җәмийәтни сичүән өлкисиниң аба тибәт аптоном области тәвәсидики киртй ибадәтханисидики тибәт раһиблири билән сақчилар арисида йүз бәргән тоқунуш мәсилисигә арилишишқа чақирған.
Мухбиримиз үмидвар
2011.04.24

Б б с агентлиқиниң хәвәр қилишичә, тибәт сүргүндики һөкүмити хәлқара җәмийәттин хитайни мәзкур җайда қорал ишлитиш арқилиқ кризисни һәл қилиш усулини қолланмаслиққа дәвәт қилишқа чақирған.

Штаби даримсалға җайлашқан тибәт сүргүндики һөкүмитиниң баяннамисидә йәнә америка һөкүмитидин келәр һәптә хитай билән өткүзидиған кишилик һоқуқ сөһбити җәрянида бу мәсилини оттуриға қоюшни тәләп қилған.

Ню-йорк вақти гезитиниң йезишичә, пәйшәнбә күни қораллиқ сақчилар мәзкур ибадәтханиға бастуруп кирип, 300 дин артуқ қаршилиқ көрсәткән раһипни тутуш җәрянида икки тибәт раһиби өлтүрүлгән. Хәлқара тибәт һәрикити тәшкилатиниң билдүрүшичә сақчилар тәрипидин уруп өлтүрүлгән бу икки адәмниң йеши 60 вә 65 яшларда икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.