Uyghur élining sabiq re'isi tömür dawamet ereb birleshme xelipilikining mukapatigha érishti
2011.06.18
Ereb birleshme xelipilikidin in'glizche chiqidighan “Nati'onal” gézitide xewer qilishiche, tömür dawametke mukapatni ereb birleshme xelipilikining xitaydiki bash elchisi ömer el bitar jüme küni béyjingda teqdim qilghan.
Melum bolushiche, tömür dawamet xitaydiki xitay-ereb dostluq jem'iyitining re'islik wezipisini ötewatqan bolup, ömer el bitar tomur dawametni “Ereblerning ésil dosti” we ereb mesililirige köngül bölgüchi we uni ilgiri sürgüchi dep teripligen.
Xewerde neqil qilishiche, el bitar xitay-ereb dostluq jem'iyitining ereb ellirining xitayni chüshinishige, xitayning ularni bilishige we xitay yuqiri qatlam rehberliri arisidiki munasiwetlirini ilgiri sürüshke hesse qoshqanliqini bildürgen.
Xitay-ereb dostluq jem'iyiti 2001-yili qurulghan bolup, hökümetke tewe bolmighan bir ijtima'iy teshkilat dep qariliwatqan bolsimu, teshkilat rehberlik qatlimidikiler xitay hökümitidiki yuqiri derijilik emeldarlardin terkib tapqan iken.
Bu nöwetlik mukapatlash murasimigha, qatar, oman, behreyin, se'udi erebistan we kuweyt qatarliq ellerning elchiliri qatnashqan.