Уйғур тор бекитидә хитайниң қош тиллиқ маарип вә муқимлиқ сиясити тәнқидләнди

Йеқинда уйғурларниң хитай тилида чиқидиған " уйғур торда " тор бекитидә уйғур аптоном райони рәиси нур бәкригә йезилған бир парчә очуқ хәт елан қилинған болуп, очуқ хәттә хитай даирилириниң районда йолға қойған қош тиллиқ маарип вә муқимлиқ сиясити тәнқидләнгән.
Мухбиримиз әркин
2008-09-26
Share

Хәттә улар уйғурларниң аптономийә һоқуқидин аста - аста айрилип қеливатқанлиқини, аптоном районниң рәиси нур бәкридин уйғурларниң қанундики һоқуқини қоғдишини тәләп қилған. Уйғур тилиниң қанундики һөкүмәт тили икәнлики, лекин нур бәкриниң йиғинларда хитайчә сөзләватқанлиқини тәнқидлигән очуқ хәттә, "бизниң өз тилимизни ишлитиш һоқуқимиз бар. Буниңға қанунлар йол қойиду шундақла бу қанунда қоғдалған " дәйду.

Очуқ хәттә йәнә, аптоном район партком секритари ваң лечүәнниң шинҗаңда "муқимлиқ һәммини бесип чүшидиған 1 ‏ - вәзипә" дегәнликини, лекин бу хитай компартийиси баш секритари ху җинтавниң уйғур илини көздин кәчүргәндә " шинҗаңдики 1 ‏ - муһим вәзипә тәрәққият" дегән сөзигә пүтүнләй зит келидиғанлиқини әскәртип, " шинҗаңниң һөкүмәт қатлимидики "миллий һессияти бар йолдашларни муһим орунға қоюшқа болмайду "дәйдиған тонушниң бир "әхмиқанә тонуш" икәнликини, "миллий һессият нормал адәмләрдә болушқа тегишлик әң әқәллий адәмгәрчилик, әгәр шинҗаңдики әмәлдарларда миллий һессият болмиса, әсли буниң нормалсиз әһвал "икәнликини тәкитлигән.

Очуқ хәттә нур бәкригә мундақ хитап қилиниду": хәлқ сизни рәис, дәп сайлиди. Сиз өз хәлқиңизгә мәсул болушиңиз, уларниң һоқуқини қоғдишиңиз керәк."


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт