Ürümchining döngköwrük rayonida keng kölemlik tekshürüsh we tutqun qilish dawam qilmaqta

Dunya Uyghur qurultiyining bayanatchisi dilshat rishitning bildürüshiche, bügün ürümchining döngköwrük etrapidiki jaylarda keng kölemlik tekshürüsh we tutqun qilish herikiti bashlan'ghan.
Muxbirimiz shohret hoshur
2010.06.29
Share on WhatsApp
Share on WhatsApp

Bu qétimqi tekshürüshte, rabiye qadir soda sariyining etrapi we xelq'araliq chong bazar nuqtiliq tekshürülgen. Weqeni inkas qilghuchining dilshat rishitqa bildürüshiche, 400 ge yéqin qoralliq saqchi chong bazarni sirttin qorshawgha alghan؛ 50 ke yéqin saqchi chong bazarning ichidiki her bir qewetke bölünüp tekshürüsh élip barghan we nazaret qilghan.

Bügünki tekshürüsh dawamida 3 kishi tutqun qilin'ghan. Emma ularning néme üchün tutqun qilin'ghanliqi hazirche melum emes. Bu qétim tekshürüsh élip bérilghan jaylarda, bulturqi 5 - iyul weqesidin kéyin xitay dukandarlarning sani zor derijide azlap ketken؛ mezkur jaylar yene, bu yilning béshida xitay saqchi da'iriliri teripidin sezgür rayonlar qatarigha kirgüzülgen.

Bu qétimqi tekshürüsh we tutqun bügün yeni seyshenbe küni etigen sa'et 10da bashlan'ghan؛ sa'et ikki - üch etrapida tekshürüsh keypiyatidiki jiddiychilik yuqiri pellige chiqqan. Emma döngköwrüktiki tekshürüshning axirlashqanliqi yaki hélihem dawamlishiwatqanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.