Уйғур елидә 2009 - йилида йеңидин 278 миң бовақ туғулған

Хитай тарқатқан санлиқ мәлуматларға қариғанда, уйғур елидә 2009 - йилида йеңидин 278 миң бовақ туғулған. Шуниң билән уйғур елиниң омумий нопуси 2009 - йили 10 айғичә 18 милйон 500 миңға йәткән.
Мухбиримиз җүмә
2010-01-04
Share

Шинхуа ахбаратида көрситишичә, уйғур елиниң бу нөвәт ениқланған омумий нопус сани, 4 милйон 470 миң ақма нопус билән биңтуән нопусини оз ичигә алмайдикән.

Хитай һөкүмәт даирилири биңтуәнниң омумий нопусини 2.7 Милйон әтрапида дәп елан қилип кәлмәктә. Хәвәрдә көрситишичә, хитай мәркизий һөкүмити вә уйғур елидики пиланлиқ туғут комитети 2009 - йили уйғур аптоном райониниң пиланлиқ туғут хизмитигә салған мәбләғ 605 милйон йүәнгә йәткән.

Хитай һөкүмити уйғур елидә хитай вә йәрлик пиланлиқ туғут органлири тәрипидин "алаһидә мукапат"линидиған чегра вә намрат наһийиләрдин йәнә 26 ни көпәйткән. "Алаһидә мукапат" ниң қаплаш нисбити 60 пирсәнткә вә җәнубий уйғур елидики 3 вилайәтни өз ичигә алған, бу хил мукапат берилгән кишиләр 7 милйон 20 миңға йәткүзүлгән.

Хәвәрдә ашкарилинишичә, нәтиҗидә уйғур аптоном районлуқ пиланлиқ туғут комитети "11 - 5 йиллиқ пилан" мәзгилидә пиланлиқ туғут сияситини иҗра қилиш вә мәбләғ селиш вәзиписини икки йил бурун тамамлап болған.

Хитай һөкүмити 1980 йиллардин башлап уйғур елидә пиланлиқ туғут сияситини қаттиқ йүргүзүп келиватқан болуп, хитай өзи елан қилған санлиқ мәлуматларға қариғанда, бу җәрянда уйғур елидә 3 милйон бовақ кәм туғулған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт