Ваң лиҗүнниң келәр һәптә чуңчиңда сотлинидиғанлиқи билдүрүлди

Чуңчиң шәһириниң сабиқ муавин шәһәр башлиқи, қошумчә шәһәрлик җ х идарисиниң башлиқи ваң лиҗүнниң келәр һәптә чуңчиңда сотлинидиғанлиқи билдүрүлди.
Мухбиримиз әркин
2012-08-10
Share

Хоңкоңда чиқидиған “җәнубий җуңго әтигәнлик гезити” ниң чоңчидики вәқәдин хәвәрдар бир әмәлдарниң сөзини нәқил кәлтүрүп хәвәр қилишичә, ваң лиҗүн вәтәнгә хаинлиқ қилиш билән әйиблинидикән. Хитай қануни бойичә болғанда мәзкур җинайәт билән әйибләнгән кишигә еғир болса өлүм җазаси берилиду.

Бирақ вәқәдин хәвәрдар юқириқи зат, ваң лиҗүнниң тәкшүрүш хизмитигә яхши маслашқанлиқи, шуниң үчүн униң кәңчилик билән бир тәрәп қилиниши мумкинликини билдүргән. Ваң лиҗүн бу йил 2‏-айда америкиниң чеңдудики консулханисиға қечип киривелип, чуңчиң партком секретари бо шләй вә униң аяли гу кәйләйниң қилмишни паш қилған.

Гу кәйләйниң әнглийилик содигәр неил хәйвудни зәһәрләп өлтүргәнликини ашкарилап, зор ғулғула қозғиған иди. У, америка консулханисида бир күндәк қалғандин кейин, консулханидин чиқип бейҗиң мәркизи һөкүмәт даирилиригә өзини мәлум қилған җүмә күни, әнхуй хефей шәһәрлик оттура сот мәһкимиси сот ечип, бурун ваң лиҗүнниң қол астида хизмәт қилған 4 нәпәр юқири дәриҗилик чуңчиң сақчи әмәлдарини сотлиған. Уларни гу кәйләйниң қатиллиқ қилмишини йошурған, дәп әйиблигән. Мәзкур мәһкимә буниңдин бир күн бурун гу кәйләйни қәстән адәм өлтүрүш билән әйибләп сотлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт