Wang léchu'en 'xelqning tüp menpe'etini qoghdap muqimliqqa kapaletlik qilish'ni tekitlidi
Shinxu'a agéntliqining xewiridin melum bolushiche, Uyghur aptonom rayonining bash sékritari wang léchu'en aptonom rayonluq erziyet idarisining xizmetchilirini yoqlighanda söz qilip ularning "yéngi weziyetke yüzlinip, xizmetni yaxshi ishlep, xelqning tüp menpe'etini qoghdishi, xelqning ichidiki ziddiyetlerni yaxshi bir terep qilip, muqimliqqa kapaletlik qilishi"ni telep qilghan. U sözide yene ziddiyetlerni hel qilishning muqimliqning asasi ikenlikini tekitligen.
Muxbirimiz irade
2010-02-18
Emma küzetküchilerning qarishiche, gerche xitay kéyinki yillarda iqtisadiy jehettin tereqqiy qilghan bolsimu, emma xitayda shexsilerning menpe'eti éghir derijide depsende qilinmaqta. Xelqning menpe'eti tüp menpe'et emes, kommunist partiyining tüp menpe'eti birinchi orun'gha qoyulmaqta. Ezrdarlar hökümet da'irilirining qopal mu'amili'isige we hetta saqchilarning tutqun qilishigha uchrimaqta.
Uyghur diyaridiki erziyet xizmetlirining ehwali téximu nachar bolup, Uyghur erzdarlar xitay da'iriliri teripidin "muqimliqni buzghuchilar" dep eyiblinip, ularning yuqirigha erz qilip bérishini tosashta qattiq wastiler ishlitilmekte. Bolupmu 5 - iyul weqesidin kéyin Uyghur erzdarlarning yuqirigha erz sunushi qattiq qamal qiliniwatqan bolup, közetküchilerning qarishiche, bundaq bir shara'itta wang léchu'enning "xelqning ichidiki ziddiyetni hel qilish we xelqning menpe'etini" tekitlishi saxtipezliktin bashqa nerse emes.
