Биринчи түркүм пахта тәргүчи хитай ишчилар уйғур дияриға йетип кәлди

Шинхуа ториниң үрүмчидин бәргән хәвиридин мәлум болушичә, 1000 дин артуқ хитай пахта териш ишчиси чаршәнбә күни гуйҗудин йолға чиққан мәхсус йолучилар пойизи арқилиқ үрүмчигә йетип кәлгән.
Мухбиримиз ирадә
2009.08.20
Share on WhatsApp
Share on WhatsApp

Булар бу қетимлиқ пахта териш мәзгилидә уйғур дияриға кәлгән биринчи түркүм хитай ишчилири икән. Бу ишчилар биңтуәнниң 6 - туән вә 8 - туәнлиригә орунлаштурулидиған болуп, 3 ай пахта териш билән шуғуллинидикән.

Хәвәрләрдин мәлум болушичә, бу йил 8 - айниң 19 күнидин 9 - айниң 18 - күнигичә бир ай бойичә уйғур дияриға келидиған пахта териш ишчилири үчүн йүздин артуқ мәхсус пойиз тәсис қилинған.

Уйғур дияриға бу йил 20 милйон миң мо пахта терилған болуп, бу пахтиларни териш үчүн бир милйондин артуқ иш күчи лазим болидикән.

Хитай һөкүмити техи йеқиндила бир түркүм уйғур яш оғул ‏ - қизлирини ешинчи әмгәкчиләр сүпитидә хитай өлкилиригә йөткигән вә йәнә йөткәйдиғанлиқини билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.