مەلۇم بولۇشىچە، ئامېرىكا چېگرا قوغداش قىسىملىرى ئۆتكەن جۈمە كۈنىدىن 12 - ئۆكتەبىر دۈشەنبە كۈنىگىچە بولغان 4 كۈن جەريانىدا، 13 خىتاي ئاققۇننى قولغا ئالغان. بۇلار جۈمە كۈنى ئىككى نەپەر، شەنبە كۈنى 3 نەپەر، يەكشەنبە كۈنى 4 نەپەر ۋە 12 - ئۆكتەبىر كۈنى تۆت نەپەر بولۇپ ئايرىم - ئايرىم ھالدا قولغا چۈشكەن.
ئىلگىرىكى خەۋەرلەرگە قارىغاندا، ئامېرىكىغا مېكسىكا ئارقىلىق سۇقۇنۇپ كىرىدىغان خىتاي ئاققۇنلىرىنىڭ نىسبىتى 2008 - يىلى ئۆكتەبىردىن 2009 - ئاۋغۇستقىچە كۆرۈنەرلىك ئاشقان بولۇپ، بۇ جەرياندا ئامېرىكىنىڭ مۇناسىۋەتلىك ئورگانلىرى 261 نەپەر خىتاي پۇقراسىنى قولغا ئالغان.