Xitay axbarat eng qattiq cheklinidighan döletler tizimlikide yer aldi

Chégrasiz muxbirlar teshkilati xelq'aradiki metbu'at erkinlikining 2011-yilliq weziyiti heqqide bügün élan qilghan doklatida, bu bir yil ichide dunya miqyasi boyiche 66 muxbirning öltürülgenlikini, 1044 muxbirning qolgha élin'ghanliqini, 2000 gha yéqin muxbirning her xil shekildiki hujumlargha uchrighanliqini bildürdi.
Muxbirimiz irade
2011.12.22
Share on WhatsApp
Share on WhatsApp

Doklatta éytilishiche, bu yil xitayning axbarat erkinlik weziyitide héchqandaq bir ilgirilesh bolmighan bolup, xitay bu yilmu iran we éritriye qatarliq döletler bilen bir qatarda dunyadiki “Axbarat eng qattiq cheklinidighan” döletler tizimlikide yer alghan.

Muxbirlarning ölüsh weqelirining köpi ottura sherq we latin amérika döletliride yüz bergen. Ereb bahari mezgilide süriye, misir, liwiye qatarliq döletlerde nurghun muxbirlar qolgha élin'ghan.

Bu yil ichide muxbirlar üchün “Eng xeterlik” dep qaralghan döletlerning biri pakistan bolup, bir yilning ichide pakistanda 10 muxbir qestke uchrap ölgen. Chégrasiz muxbirlar teshkilati pakistandiki bu weziyetni diqqet qilishqa tégishlik dégen.

Chégrasiz muxbirlar teshkilatining ilgiriki doklatliridimu xitaydiki muxbirlarning ehwali tenqid qilin'ghan. Xitay gerche iqtisadiy jehettin dunyada aldinqi orunda tursimu, emma u kishilik hoquq weziyitide dawamliq halda afriqidiki bezi kichik we namrat döletler bilen bir qatargha tizilip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.