خىتايدا يوقاپ كەتكەن ئادۋوكاتنىڭ ئايالى ئۇنىڭ 'ئۇيغۇر رايونىدا خىزمەت قىلىۋاتقانلىقى'نى ئىنكار قىلدى

خىتاي دائىرىلىرى يېقىندا ئۆتكەن يىلى يوقاپ كەتكەن ئادۋوكات گاۋ جىشىڭنىڭ ئىزچىل ھالدا تۇغقانلىرى بىلەن ئالاقە قىلىپ كەلگەنلىكىنى ۋە ئۇنىڭ ئۇيغۇر رايونىدا خىزمەت قىلىۋاتقانلىقىنى بىلدۈرگەن ئىدى.
مۇخبىرىمىز ﺋﯩﺮﺍﺩﻩ
2010-02-18
ئېلخەت
پىكىر
Share
پرىنت

ئەمما بۈگۈن گاۋ جېشىڭنىڭ ئايالى مەتبۇئاتلارغا ئۆزىنىڭ يولدىشى بىلەن ھازىرغىچە ئالاقىلىشالمىغانلىقىنى بىلدۈرۈپ، ئۇنىڭ ئۇيغۇر رايونىدا خىزمەت قىلىۋاتقانلىقىنى ئىنكار قىلدى. ئۇ سۆزىدە،  مېنى خىتاي دائىرىلىرى يولدۇشۇم بىلەن بىۋاستە سۆزلەشكىلى قويمىغۇچە، مەن ئۇنىڭ ئاقىۋىتى ھەققىدە ئېنىق بىر نەرسە دېيەلمەيمەن، دېدى.

گاۋ جىشېڭ ئىلگىرى خىتايدىكى يەر ئاستى خرىستىيان دىنىي جەمئىيەتلىرى ۋە فالۇنگوڭچىلارنىڭ مەسىلىسىگە كۆڭۈل بۆلۈپ، ئۇلارنىڭ ھوقۇقلىرىنى ھىمايە قىلغان بولۇپ، ئۇ ئۆزىنىڭ 2007 - يىلى ساقچىلار تەرىپىدىن تۇتۇلۇپ، قاتتىق قىيناشقا ئۇچرىغانلىقى ھەققىدە بايانات ئېلان قىلغان ئىدى.

گاۋ جىشېڭ يەنە 2006 - يىلى چەتئەل تور بەتلىرىدە 9 پارچە ماقالە ئېلان قىلىپ، "ئاغدۇرمىچىلىق قىلدى" دەپ ئەيىبلىنىپ، تۇتقۇن قىلىنغان. ئۇ، ئۆتكەن يىلى 2 - ئايدا شەنشى ئۆلكىسىدىكى ئۆيىدىن غايىپ بولغان.

پىكىرلەر (0)
Share
تولۇق بەت