ئۇ ئەدلىيە تەشۋىقات ساھەسىنى مۇھىم سورۇنلاردا چەتتە تۇرۇۋالماسلىق، مۇھىم پۇرسەتلەردە سۈكۈتتە تۇرۇۋالماسلىق تەشەببۇسىنى ئوتتۇرىغا قويۇپ، ئىنتېرنېتتە داۋام قىلىۋاتقان قىززىق نۇقتا مۇنازىرىلىرىگە قاتنىشىش ۋە جامائەت پىكرىنى يېتەكلەشكە چاقىرغان.
كۆزەتكۈچىلەرنىڭ قارىشىچە، خىتاي ئەدلىيە سېستىمىسى يوشۇرۇپ كېلىۋاتقان ياكى ئادالەتسىز بىر تەرەپ قىلىۋاتقان بەزى دېلولار، ئىنتېرنېت مۇشتىرىلىرى ئارقىلىق جەمئىيەتكە يېيىلماقتا ۋە جەمئىيەتتە كەڭ كۆلەمدە مۇنازىرە پەيدا قىلماقتا. بۇنىڭ بىلەن ئەدلىيە سېستىمىسىنىڭ ۋەزىپە ئىجرا قىلىشى بەزى چاغلاردا قىيىنچىلىققا دۇچ كەلمەكتە. مەزكۇر چاقىرىق خىتاي ئەدلىيە سېستىمىسىنىڭ ئۇچۇرنى كونترول قىلىشتا چارىسىز قېلىۋاتقانلىقىنى كۆرسەتمەكتە.