Америка армийисиниң юқири дәриҗилик қомандани: хитайниң һәрбий тәрәққияти америкини нишан қилған

Америка армийиси баш қоманданлиқ штабиниң рәиси майк муллен "хитайниң һәрбий тәрәққияти америкини нишан қилған", деди. У сөзидә "хитайниң җ җ-20 типлиқ радарда көрүнмәйдиған күрәшчи айропиланға охшаш илғар һәрбий қоралларни ясап чиқиши тәбиий һалда хитай немә үчүн бундақ қилиду, дегән соални пәйда қилиду", дәп тәкитлигән.
Мухбиримиз ирадә
2011-01-13
Share
Америка дөләт мудапиә министири роберт гейтисниң зиярити җәрянида хитай өзиниң" җ-20" типлиқ күрәшчи айропиланини синақ тәриқисидә учурғанлиқ хәвәр қилған иди. Һазирғичә бу хил радарда көрүнмәйдиған күрәшчи айропиланға пәқәт америкила игә болсиму, бирақ узун йиллардин бери хитай вә русийиниң бу хил күрәшчи айропиланни ясап чиқиш үчүн тәтқиқат елип бериватқанлиқи мәлум иди.

Франсийә агентлиқиниң хәвәр қилишичә, муллен мухбирларға қилған сөзидә хитайниң чоң дөләт болуш сүпити билән әлвәттә һәрбий техникисини тәрәққий қилдуруш һоқуқиниң барлиқини, әмма униң өзини қоғдаш характерлик қоралларни әмәс, бәлки юқири техникилиқ уруш қораллирини ясишиниң кишини гуманға салидиғанлиқини билдүргән.

Майк муллин йәнә, хитайниң бу хил көрүнмәс күрәшчи айропилан техникисиға игә болушиниң хитай армийисигә бәлгилик дәриҗидә күч қошидиғанлиқини әскәртип, хитай игә болуватқан бу хил техникиларниң қаримаққа америкини нишан қиливатқандәк көрүнидиғанлиқи, шуниң үчүн икки дөләт һәрбий мунасивитиниң муһимлиқини тәкитлигән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт