خىتاينىڭ كان ئېچىشىغا قارشى تۇرغان بىر قىسىم تىبەتلەر باستۇرۇلدى

خىتاينىڭ سىچۈەن ئۆلكىسىنىڭ تىبەتلىكلەر رايونىدىكى تىبەتلەر، ئۆتكەن سەيشەنبە كۈنى، خىتاينىڭ ئۆز تەۋەلىكىدە كان ئېچىشىغا قارشى، بەييۈ ناھىيىلىك ھۆكۈمەت ئالدىدا توپلىشىپ نارازىلىق بىلدۈرگەن.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2010-08-24
Share

نارازىلىق ھەرىكىتى ئاخىرى شىىددەتلىنىپ توقۇنۇش كېلىپ چىققان. توقۇنۇشتا خىتاي ساقچىلىرى تىبەتلىكلەرگە قارىتىپ ئوق چىقارغان. بۇنىڭ بىلەن ۋەقەدە 3 كىشى ئۆلگەن ۋە 30 نەچچە كىشى يارىدار بولغان.

مۇھاجىرەتتىكى تىبەت تەشكىلاتلىرىنىڭ بىلدۈرۈشىچە، بەييۈ ناھىيىسىدە يېقىندا بىر ئالتۇن كان بايقالغان. ھۆكۈمەت تەرەپ بۇنى قېزىش ئۈچۈن ئىش باشلىغاندا، تىبەتلىكلەر كان قېزىشنىڭ رايوننىڭ ئېكولوگىيىسىنى بۇزۇدىغانلىقىنى بىلدۈرۈپ، قارشىلىق كۆرسەتكەن.

كۆزەتكۈچىلەر، تىبەتلىكلەرنىڭ يەر ئاستى بايلىقلىرىنى ئۆزلىرىنىڭ كەلگۈسى ئەۋلادلىرىنىڭ رىزقى دەپ قاراۋاتقانلىقىنى، شۇڭا خىتاينىڭ بۇ جايدا كان ئېچىشىغا قارشىلىق كۆرسىتىۋاتقانلىقىنى بىلدۈرمەكتە.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت