Хитай, түркийидики бир қисим коммунистларға майил мухбирларни уйғур районини зиярәт қилдурди

Хитай даирилири түркийидики бир қисим мухбирларни уйғур райониға тәклип қилип, уларни үрүмчи вә турпанда зиярәткә орунлаштурған. Мәзкур зиярәт, хитай даирилири биринчи өктәбирдин етибарән түркийидә өткүзидиған "хитай мәдәнийәт һәптилики" һарписиға тоғра кәлди.
Мухбиримиз ирадә
2010.09.30
Share on WhatsApp
Share on WhatsApp

Әмма, түркийә ахбарат васитилирида мәзкур "түркийилик мухбирлар өмики" ниң уйғур райониға зиярәткә барғанлиқи һәққидә һечқандақ хәвәр елан қилинмиған. Игилинишичә, уйғур райониға зиярәткә барған доған тилич, ели атай қатарлиқ мухбирлар түркийидики коммунизм идийисини қоллайдиған наһайити аз санлиқ мәтбуатларниң мухбирлири икән. Буниңдин хитай даирилириниң коммунизмни қоллайдиған, хитайпәрәс мухбирлар арқилиқ түркийидә өз тәшвиқатини қилишқа урунуватқанлиқи мәлум болмақта.

Тәңритағ хәвәрләр торида хәвәр қилинишичә, түркийидин кәлгән бу мухбирларни уйғур аптоном районлуқ партком тәшвиқат бөлүминиң муавин башлиқи хо хәнмин күтүвелип, уйғур райониниң тәрәққият әһвали һәққидә мәлумат бәргән. Түркийидин кәлгән мухбирларниң уйғур райониниң әһвалидин интайин мәмнун болғанлиқи илгири сүрүлгән.

"5 - Июл үрүмчи вәқәси" йүз бәргәндин кейин, түрк һөкүмити вә түрк хәлқи хитай һакимийитигә қаттиқ наразилиқ билдүргән. Вәқә икки дөләт дипломатик мунасивәтлириниң бир мәһәл совуп қелишиға сәвәб болған иди. Шундин бери хитай даирилири түркийигә қаратқан тәшвиқат паалийәтлирини түрлүк васитиләр арқилиқ күчәйтишкә урунмақта.
 
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.