'خىتاي دائىرىلىرى ئوغرىلاپ كەتتى' دەپ قارىلىۋاتقان ئەقلىي مۈلۈكنى تەكشۈرۈش تەلەپ قىلىندى

ئىككى نەپەر پالاتا ئەزاسى دۈشەنبە كۈنى ئامېرىكا تاشقى سودا كومىتېتى مەسئۇللىرى بىلەن سۆزلىشىپ، "خىتاي دائىرىلىرى ئوغرىلاپ كەتتى" دەپ قارىلىۋاتقان ئەقلىي مۈلۈك مەھسۇلاتلىرىنىڭ ئامېرىكا ئىقتىسادىغا كۆرسەتكەن تەسىرىنى تەكشۈرۈشنى تەلەپ قىلدى.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2010-04-19
Share

مەلۇم بولۇشىچە، ئامېرىكا كېڭەش پالاتاسى مالىيە كومىتېتى رەئىسى مەكس بائۇكۇس ۋە پالاتا ئەزاسى چۇك گراسسلېي قاتارلىقلار تاشقى سودا كومىتېتى رەئىسى شارا ئارانوف بىلەن بۇ ھەقتە رەسمىي سۆزلەشكەن.

فرانسىيە ئاگېنتلىقىدا نەقىل قىلىشىچە، بائۇكۇس: "خىتاي ھۆكۈمىتىنىڭ خىتايدا ئامېرىكا ئەقلىي مۈلۈكلىرىنىڭ ھەددىدىن تاشقىرى دەرىجىدە ئوغرىلىنىپ كېتىشىنى ئۈنۈملۈك توسماسلىقى نەتىجىسىدە، ئامېرىكا ئىشچىلىرى، ئامېرىكا ئىقتىسادى ۋە ئامېرىكا سودا - سانائىتى ئېغىر بەدەل تۆلىمەكتە،" دېگەن.

پالاتا ئەزاسى گراسسلېي بولسا، خىتاينىڭ ئامېرىكا مەھسۇلاتلىرىنى ھەددىدىن تاشقىرى دەرىجىدە كۆچۈرۈپ ياسىشى نەتىجىسىدە ئامېرىكا تەرەپنىڭ مىليونلاپ زىيان تارتىۋاتقانلىقىنى بىلدۈرگەن.

پالاتا ئەزالىرى تاشىقى سودا كومىتېتى رەئىسىدىن بۇ ھەقتىكى دوكلاتنى بۇ يىل نويابىردا بىر قېتىم ۋە كېلەر يىلى مايدا بىر قېتىم تاپشۇرۇشنى تەلەپ قىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت