خىتاي پاراسىل ئاراللىرىدا پورت قۇرىدىغانلىقىنى جاكارلىدى

خىتاي تالاش-تارتىشتىكى پاراسىل ئارىلىغا پورت قۇرىدىغانلىقىنى جاكارلىدى. كۆلىمى 3 كۋادرات كىلومېتىر كېلىدىغان بۇ پورت، پاراسىل ئاراللىرىنىڭ خەينەن ئۆلكىسىگە يېقىن جايدىكى دېڭىز يۈزىگە قۇرۇلىدىكەن.
مۇخبىرىمىز ئىرادە
2012-04-26
Share

خىتاينىڭ بۇ قارارىنىڭ فىلىپپىن-خىتاي ئوتتۇرىسىدا داۋام قىلىۋاتقان تىركىشىشنى تېخىمۇ ئۆتكۈرلەشتۈرۈۋېتىدىغانلىقى تەخمىن قىلىنماقتا.

بىرلەشمە ئاگېنتلىقىنىڭ خەۋەر قىلىشىچە، خىتاي تاشقى ئىشلار مىنىستىرلىقى بۈگۈن بەرگەن باياناتىدا «پاراسىل ئاراللىرى ئەزەلدىن تارتىپ خىتاينىڭ زېمىنى. بۇنى خەلقئارادا تالاش-تارتىش قىلىشنىڭ ئورنى يوق» دېگەن.

خىتاينىڭ جەنۇبىي دېڭىزدا ئىگىلىك ھوقۇقى بارلىقىنى ئىلگىرى سۈرۈشى، فىلىپپىن، برۇنىي، ۋيېتنام، مالايشىيا ۋە تەيۋەن قاتارلىق دۆلەت ۋە رايونلارنى بىئارام قىلىۋاتقان بىر ئەھۋال. گەرچە ئالاقىدار تەرەپلەر بۇ مەسىلىنى خەلقئارا سوتتا ھەل قىلىشنى تەشەببۇس قىلىپ، خىتاينى سۆھبەتكە چاقىرسىمۇ، ئەمما خىتاي دائىرىلىرى بۇنى ئىزچىل رەت قىلىپ كەلگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت