Кеңәш палата әзаси чарлиз шумер хитайниң 'хәлқ пули сиясити'гә қарши тәдбир қоллинишни тәләп қилди

Америка кеңәш палата әзаси чарлиз шумер дөләт мәҗлисини хитайниң "хәлқ пули сиясити"гә қарши тәдбир қоллинишқа чақирип, дәрһал қанун чиқиришни тәләп қилди. У хитайға җиддий тәдбир қолланмиғичә, униң хәлқ пули курсини монопол қилиштин ваз кәчмәйдиғанлиқини билдүрди.
Мухбиримиз әркин
2010.08.11

Америка сода министирлиқиниң ашкарилишичә, америкиниң 6 ‏- айдики бир айлиқ сода қизил рәқими 8.18 Пирсәнт көпийип, аз кәм 50 милярд долларға йәткән. Бу қизил рәқәмниң йерими америкиниң хитай билән болған содисида көрүлгән болуп, америкиниң хитай билән болған содида 6‏ - ай ичидики бир айлиқ қизил рәқими 2.26 Милярд доллар көпәйгән. Бу сан 2009‏ - йили 6‏ - айда 4.18 Милярд доллар иди.

Хитай билән болған содида бу йил 6‏ - айдики бир айлиқ қизил рәқәм өткән йилниң охшаш мәзгилигә селиштурғанда аз кәм 8 милярд доллар ашқан. Кеңәш палата әзаси чарлиз шумер сәйшәнбә күни мәхсус баянат елан қилип, "бу санлиқ мәлуматлар хитайға бесим ишләтмигичә, униң пул курсини монопол қилишқа хатимә бериш нийитиниң қанчилик аз икәнликини намайән қилиду" дәп көрсәтти.

Америка дөләт мәҗлисидики көпчилик әзалар вә америка кархана саһәси хитайниң хәлқ пули курсини мәқсәтлик чүшүрүп, адаләтсиз експорт риқабити билән шоғуллиниватқанлиқини, бу америка сода қизил рәқиминиң зорийишини кәлтүрүп чиқириватқанлиқини илгири сүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.