Қәшқәр қәдимий шәһирини чеқиш қәдими барғанчә тезләшмәктә

Хитай һөкүмити, қәшқәр қәдимий шәһирини чеқиш қәдими барғанчә кеңәйтмәктә. Йәрлик кишиләрдин игилигән хәвәрләргә қариғанда, қәшқәр шәһириниң уйғурлар әң коп топлишип олтурақлашқан шәһәр районлиридин орда алди, арқа қора, қарқа дәрваза, төшүк дәрваза, қонақ базири, яғ базири, явағ қатарлиқ мәһәллә районларниң һәммиси дегүдәк чеқилип болған.
Мухбиримиз җүмә
2009.08.15

Нөвәттә, қәшқәр қәдимий районлириниң юмилақ шәһәр көлбеши, өстәң бойи, нор беши районлири чеқилмақта икән. Мәлум болушичә, бу қәдимий җайларниң пәқәт бир қисим кочилирила саяһәтчилик үчүн сақлинип қелинидикән.

Қәшқәр қәдимий шәһириниң, таш базири, пайнап йолидики мәһәллиләр 2003 - йилиму бир қетим чеқилған иди.

2003 - Йили, қәшқәрниң кона базар районлиридин таш базири чеқилған. Бу йәрлик хәлқниң күчлүк наразилиқини қозғиған. Әмма, мәзкур район хитай содигәрләргә сетиветилгән болғачқа, хәлқ әрзини ақтуралмиған.

Нәтиҗидә таш базириниң орниға "венҗулуқлар шәһәрчиси" селинған. Һазир бу шәһәрчидә пүтүнләй хитайлар сода қилмақта.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.