Dunya sehiye teshkilati xitayning zeherlik süt parashoki mesiliside xitay bilen hemkarlashmaqta

Bowaqlar süt parashokigha zeherlik ximiyilik madda arilashturulush sewebidin 6200 din artuq bowaqta késellik körülüshi hemde töt neper bowaqning ölüm kétish ehwali sadir bolghandin kéyin, bu mesile birdinla xelq'ara miqyasida jiddiy inkaslarni qozghighan idi.
Muxbirimiz ümidwar
2008-09-21
Share

Xitay sehiye tarmaqliri 22 shirketning mehsulatlirini tekshürüp, uningdin ximiyilik zeherlik madda bayqighan idi. Bu munasiwet bilen xitay puqralirida küchlük naraziliq inkasliri peyda boldi.

Dunya sehiye teshkilatining bir xadimining ashkarilishiche, hazir dunya sehiye teshkilati xitay terep bilen hemkarliship, zeherlik süt parashokidin zeherlinishning aldini élish we bashqa munasiwetlik charilarni qollinish qatarliq pa'aliyetlerni élip barmaqta. Biraq, sehiye teshkilati xitayning choqum mehsulatlargha qarita ximiyilik tekshürüsh tüzümini kücheytishi lazimliqini telep qilghan. Uning üstige yene xitay bowaqlar süt parashoki bén'gal qatarliq besh döletke éksport qilin'ghan.

Malayshiya we sin'gapor hökümetliri xitayning sütlük mehsulatlirini import qilishni toxtatqan bolup, xitayning sütlük mehsulatlirining tashqi sodisi tehditke duch kelgen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet