Хитай торчилар америка президенти обамадин әркинлик үчүн ярдәм тәләп қилди

Хитай тор әзалири йеқиндин буян америка президенти барак обаманиң тор бетигә сөз қалдуруп, обамадин хитай хәлқиниң әркинлики үчүн ярдәм тәләп қилған.
Мухбиримиз шөһрәт һошур
2012.02.27
Share on WhatsApp
Share on WhatsApp

Америка авази радиосиниң бүгүнки бу һәқтики хәвиридә билдүрүшичә, хитай тор әзалириниң адәттә бу торбәтләргә кириши чәкләнгән болуп, торчилар йеқиндин буян мәлум бир хил техникини қоллинип президент обаманиң торбетини зиярәт қилишқа мувәппәқ болалиған. Улар қалдурған сөзлиридә, хитайдики сөз әркинлики, мәтбуат әркинлики қатарлиқ мәсилиләрдә хитай хәлқигә ярдәм беришини тәләп қилған; һәтта бәзи тор әзалири хитай хәлқини қутқузушни тәләп қилған.

Бүгүн хитай ташқи ишлар баянатчиси, мухбирларниң бу һәқтики соалиға дуч кәлгән. Хитай баянатчи җавабида хитай һөкүмитиниң пуқраларниң сөз әркинликини қоғдаватқанлиқини тәкрарлиған. У йәнә пуқраларниң пикир баян қиливатқанда дөләтниң қанун бәлгилимилиригә бойсунуши керәкликиниму әскәрткән.

Мухбир бу темида баянатчидин, пуқраларниң торда һөкүмәтни тәнқид қилишиниң қанунға хилап һәрикәтлики яки әмәсликини сориған. Хитай баянатчи бу соални җавабсиз қалдурған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.