Йоқап кәткән хитай өктичиниң қизи обамадин ярдәм сориди

Йоқап кәткән хитай өктичи гавҗишиңниң америкида яшайдиған 17 яшлиқ қизи грәйес җең америка президенти обамадин ярдәм сорап, дадисиниң әһвалини сүрүштүрүшни тәләп қилди.
Мухбиримиз ирадә
2010-10-28
Елхәт
Пикир
Share
Принт

Франсийә агентлиқидин мәлум болушичә, америка президенти барак обама корийидә ечилидиған г -20 йиғинида хитай рәиси хуҗинтав билән учришидиған болуп, гавниң қизи бу учришиш алдида дадисиниң мәсилисини оттуриға қойған.

У, вал стерт жорнилида елан қилинған хетидә мундақ дегән: "президент обама, сизму икки қизниң дадиси болуш сүпитиңиз билән ху җинтавдин мениң дадамниң қәйәрдиликини сүрүштә қилип беқиң. Әлвәттә мениң дадам пәқәтла бир адәм. Әмма шуниси маңа аянки, хитай һөкүмити өз қанунини дәпсәндә қилишқа давам қилидиғанла болса, бундақ тәқдир башқа дадиларниңму бешиға келиду."

Гав җишиңниң қизи, дадисиниң бейҗиң даирилири тәрипидин тутуп кетилгәнликини, өзиниң кичик вақтида хитай сақчилиридин таяқ йигәнликини ашкарилиған.

Адвокат гав җишиң "җуңгониң виҗдани" дәп нам алған болуп, у хитайдики һөкүмәт зиянкәшликигә учриған диний затлар вә авам пуқраниң делосини ишлигәнлики үчүн давамлиқ һалда хитай даирилириниң паракәндә қилишиға учрап кәлгән.
 
Гав җишиң 2006 - йили бир қетим "дөләтни ағдурушқа урунуш" җинайити билән 3 йиллиқ қамаққа һөкүм қилинған. У җаза муддитини толдуруп қайтип чиққандин кейин 2009 - йили, 2 - айда сақчи даирилири уни қайтидин тутуп кәткәндин буян униң қайта из - дерики болмиған.

Һазир гав җишеңниң мәсилиси хәлқара җәмийәт көңүл бөлидиған мәсилигә айланди.

 
Пикирләр (0)
Share
Толуқ бәт