Хитай уйғур елида асасий қатламда партийә қурулушини күчәйтишни тәкитлиди

5 - Июл үрүмчи вәқәсидин кейин хитай йәрлик һөкүмити уйғур елидә асасий қатламда партийә қурулушини күчәйтиш хизмитини қайта тәкитлиди.
Мухбиримиз җүмә
2009.10.26

Шинхуа ахбаратида көрситишичә, мәзкур пикир 26 - өктәбир аяғлашқан уйғур аптоном райони партийә комитети 7 - нөвәтлик қурултийи 8 ‏- қетимлиқ кеңәйтилгән йиғинида оттуриға қоюлған.

Йиғин қатнашқучилири, 5 - июл үрүмчи вәқәсиниң, асасий қатламдики партийә қурулушиниң аҗизлиқини вә бошлуқлирини ашкарилиғанлиқини көрсәткән.

Хәвәр қилинишичә, асасий қатламда партийә қурулушини күчәйтиш хизмитини уйғур елиниң һәр қайси йеза вә шәһәрлиридә мас қәдәмдә елип берилидикән.

Йиғинда, йезиларда болса кәнт дәриҗилик партийә ячейкилири қурулушини башлиниш нуқтиси қилиш, шәһәрләрдә болса аһалиләр комитетлирида партийә қурулушини күчәйтип елип барғандин сирт йәнә, йәккә тиҗарәтчи вә сирттин кәлгән ақма нопус топлишип олтурақлашқан районларни башқуруш хизмитини илгири сүрүш истратегийиси тәкитләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.