Хитай японийини шәрқи деңиз мәсилисини җиддийләштүрмәсликкә чақирди

Шәрқи деңиз мәсилиси хитай- японийә арисидики тарихий мәсилиләрдин биридур. японийә һөкүмити алдинқи күни әгәр хитай шәрқи деңизда өз алдиға тәбиий газ ечишни башлиса, хәлқаралиқ деңиз сотиға әрз қилидиғанлиқини билдүргән иди.
Мухбиримиз шоһрәт һошур
2010-02-23
Share

Бүгүн хитай ташқи ишлар министири чин гаң бу һәқтә мухбирларниң соалиға җаваб берип, японийиниң шәрқи деңиз мәсилисини җиддийләштүрмәсликкә чақирған. Хитай баянатчи сөзидә, шәрқи деңиз мәсилисидә хитайниң японийә билән 2008 ‏- йилидики келишимгә асасән иш тутудиғанлиқини билдүргән.

Икки тәрәпниң шу қетимқи келишимидә шәрқи деңизни ортақ ечиш, ортақ пайдилиниш һәққидә пикир бирлики һасил қилалиған, әмма рәсмий тохтамлашмиған иди.

Мәлуматлардин қариғанда, шәрқи деңиздики тәбиий байлиқниң запас миқдари дуня бойичә төтинчи орунда болуп, бу байлиққа қайси тәрәпниң игә болуши икки тәрәпниң дөләт күчи вә хәлқара күчигә чоң тәсир көрситидиғанлиқи баян қилинмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт