Японийә баш министири хитайда японийигә қарши елип берилған намайишлардин әпсуслинидиғанлиқини билдүргән

Японийә баш министири дүшәнбә күни, хитайда японийигә қарши елип берилған намайишлардин интайин әпсуслинидиғанлиқини билдүргән.
Мухбиримиз җүмә
2010.10.18
Share on WhatsApp
Share on WhatsApp

Японийә - хитай арисидики сенкаку арилиниң игилик һоқуқи мәсилиси, икки дөләт мунасивәтлиридә җиддийлик кәлтүрүп чиқарған һәмдә бу һәптә ахири һәр иккила дөләттә бир - биригә қарши намайишлар елип берилған иди. Шәнбә күни, хитайниң чеңду шәһиридә йүзлигән хитай пуқраси японийигә қарши намайиш қилған.

Бу хилдики намайишлар йәкшәнбә күни, сичүән өлкисиниң җиняң шәһиридиму елип берилған болуп, намайишчилар японийиликләр игидарчилиқидики дуканларға һуҗум қилған.

Хәвәрдә нәқил қилишичә, японийә баш министири наото кан японийә парламент әзалириға "хитайда елип берилған намайишларниң толиму әпсуслинарлиқ икәнликни аңлидуқ" дегән.

Кан йәнә, хитай һөкүмитидин хитайдики японийә пуқралириниң бихәтәрликигә капаләтлик қилишини тәләп қилғанлиқини илгири сүргән.

Мәлум болушичә, нөвәттә бу икки дөләт оз мунасивәтлирини илгири сүрүш үчүн тиришмақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.