Уйғур елидики қаттиқ зәрбә бериш һәрикитидә яш - өсмүрләр тутқун қилинмақта
Мухбиримиз миһрибан
2010.02.11
2010.02.11
Дуня уйғур қурултийиниң баянатчиси дилшат ришитниң әркин асия радио истансисиниң уйғур бөлүми һәм гуаңдуң бөлүмигә инкас қилишичә, хитай һөкүмити һазир шәрқий түркистанниң җәнубий районлирини асас қилип яш - өсмүрләргә қарита кәң көләмлик тутқун қилишни елип бериватқан икән.
Дилшат ришитниң билдүрүшичә: "уйғур елиниң җәнубидики ақсу вилайитиниң кәлпин, куча, шаяр, ават наһийилири тәвәсидә, болупму йезиларда сақчилар 13 яштин юқири өсмүрләргә қарита тизимлаш, қаттиқ тәкшүрүш елип бериватқан болуп, кәлпин наһийисиниң йезилирида тәкшүрүш қаттиқ болмақта" икән.
Дуня уйғур қурултийиниң баянатчиси дилшат ришит, ақсу вилайитидә хитайниң сиясий җинайәтчиләрни қамайдиған түрмилири җайлашқан болуп, бу йәрниң бихәтәрлики хитайни йиллардин буян әндишигә селип келиватқан болғини үчүн, хитай бу җайға орунлаштурулған биңтуән намидики ишләпчиқириш - қурулуш армийисини ишқа селип ақсуни өз ичигә алған һалда шәрқий түркистанниң җәнубидики вилайәт, наһийиләрни муһапизәт қилмақта икән.
Һазир уйғур елидә хитайниң 30 күнлүк зәрбә бериш һәрикити давамлишиватқан болуп, тәңритағ ториниң хәвәр қилишичә, уйғур аптоном райониниң секретари ваң лечүән 10 - феврал күни ечилған өлкә - назарәт дәриҗилик кадирлар йиғинида узун муддәтлик муқимлиққа капаләтлик қилип, иқтисадни раваҗландурушни оттуриға қойған.
Дуня уйғур қурултийиниң баянатчиси дилшат ришит болса, хитай даирилириниң шәрқий түркистанда елип бериватқан бастуруш һәрикитини тохтитишни тәләп қилип, дуня җамаәтчиликини хитайға бесим ишлитишкә чақирди.
Көп көрүлгән хәвәрләр
RFA
- Хитайниң чәктин ашқан карантин тәдбирлири уйғурлар һаятиға үсти-үстиләп қийинчилиқ туғдурған
- Ғулҗадики қамал иҗраатлирида тәһдитләр давам қилмақта, аһалиләргә йәнә намәлум дорилар берилмәктә
- Хитай “бирликсәп бөлүми” йеқиндин буян “шинҗаң һекайисини яхши сөзләш” тәшвиқат һәрикити қозғиған
- Коммунизм қурбанлири хатирә фонди: “уйғурлани бастурушқа қатнашқан барлиқ хитай әмәлдарлири җазалиниши керәк!”
- Уйғур қирғинчилиқиниң көргәзмилик тәсвири: “һәммәйлән кетип қалди!”