Kishiler xitay yéngi békitken yémek - ichmek qanunining ünümdarliqidin shübhilenmekte

Xitay hökümiti xelq'ara bazarda barghanche chongqurlishiwatqan xitay mallirining inawiti töwenlesh hadisisining aldini élishi üchün bir qatar yémeklik bixeterliki qanun - tüzümlirini békitip chiqqan bolsimu, emma nurghun kishiler yenila bu xil belgilimilerning ünümdarliqidin shübhilinidighanliqini bildürüshmekte.
Muxbirimiz jüme
2009-03-02
Share

Melum bolushiche, 1 - mart yekshenbe küni xitay qanun belgilesh organliri xitay yémek - ichmek mehsulatlirini bixeterlikige alaqidar yéngi qanun - nizamlarni belgilep chiqqan hemde mezkur qanun rohigha asasen dölet kabinétida mexsus nazaret qilish ishxanisi tesis qilin'ghan.

"Amérikida bügün" gézitide neqil qilinishiche, xitay döletlik yémek - ichmek we ozuqluq tetqiqat institutining mu'awin diréktori wu yongning, gerche mezkur qanun yémek - ichmek bixeterlikige alaqidar eslide bar bolghan 13 organ arisida hemkarlishishni téximu kücheytidighan bolsimu, emma u senlu zeherlik süt parashokigha oxshash weqelerning aldini alalmaydiken. U mundaq dégen: " buningda sana'et sistémisi jehette nurghun kishiler kütken négizlik özgirish eks etmigen."

Uningdin bashqa bezi istémalchilarmu mezkur qanun anglimaqqa kishini xushal qilsimu, emma xitayda yene nurghun yerlik zawutlarning bundaq tüzümlerge boysunmaydighanliqi, shunga bundaq qanunning héchqandaq özgirish élip kelmeydighanliqini bildürüshken.

Yéqinda xitayda yüz bergen zeherlik süt parashoki setchiliki xitayda 300 ming ademning hayatigha tehdit élip kelgendin kiyin, xitay mehsulatlirining xelq'aradiki inawiti barghiche töwenleshke bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet