Хитайниң зәһәрлик йимәклири кишиләрни изчил әндишиләндүрмәктә

Хитайниң зәһәрлик " сүт парашоки" вәқәси йүз берип узун өтмәй, бүгүн японийидики бир әмгәк идарисиниң тәтқиқатида хитайдин импорт қилинған көк пурчақ тәркивидин, деһқанчилиқта ишлитилидиған зәһәрлик дора DDV байқалған.
Мухбиримиз әқидә
2008-10-16
Share

Японийә мәтбуатлириниң билдүрүшичә, токйода 56 яшлиқ бир аял, хитайдин киргүзүлгән көк пурчақни истимал қилғандин кейин, биарамлиқ һес қилип, дохтурханида җиддий қутқузувелинған.

Бу йил 1 ‏ - айда хитайниң зәһәрлик җувависи байқилип, бу вәқә азрақ пәсәйгәндә, қайтидин зәһәрлик көк пурчақ һадисисиниң йүз бериши, хитайдин йимәклик мәһсулати импорт қилған карханиларға зиян елип келиш билән биргә, японийә истималчилириниң хитай йимәклириниң бихәтәрликигә болған әндишисини техиму күчәйтивәткән.

Бу арида хитайда чиқидиған шиән кәчлик гезити 13 ‏ - өктәбир күни, шиңпиңдики бир әрниң тәйяр чөп йегәнликтин, зәһәрлинип өлгәнликини елан қилди.

Хитай һөкүмити, һазир 5824 балиниң зәһәрлик сүт парашоки түпәйли дохтурханида давалиниватқанлиқини билдүрмәктә.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт