خىتايدا يۈز بەرگەن قار ئاپىتىدە 38 ئادەم ئۆلدى

خىتاينىڭ "جۇڭگو خەۋەرلىرى" گېزىتىنىڭ بۈگۈنكى خەۋىرىدىن مەلۇم بولۇشىچە، ئۇدا ئىككى كۈندىن بۇيان خىتاينىڭ شىمالىي ئۆلكىلىرىدە مۇددەتتىن بۇرۇن ياققان قاتتىق قار خىتايغا ئېغىر تەبىئى ئاپەت ئېلىپ كەلگەن بولۇپ، بۇ قېتىملىق قار ئاپىتى خىتايدا 60 يىلدىن بۇيان يۈز بەرگەن ئەڭ ئېغىر قار ئاپىتى ئىكەن.
ﻣﯘﺧﺒﯩﺮﯨﻤﯩﺰ ﻣﯩﻬﺮﯨﺒﺎﻥ
2009.11.13
Share on WhatsApp
Share on WhatsApp

مەلۇم بولۇشىچە، بۇ قېتىمقى شىۋىرغانلىق قار ئاپىتىدە، ھازىرغىچە 38 ئادەم ئۆلگەن بولۇپ، ئۇلارنىڭ ئىچىدە 19 نەپىرى قاتناش ۋەقەسىدە ئۆلگەن. قار ئاپىتى بىر قەدەر ئېغىر بولغان خېبىي ئۆلكىسىنىڭ شىجياجۇاڭ شەھىرىدە 6 ئادەم قار ئاپىتىدە ئۆلگەن، 630 مىڭ ئاھالە ئاپەتكە ئۇچرىغان. شىجياجۇاڭ، بېيجىڭ، تەييۇەن، شىئەن، قاتارلىق شەھەرلەردىكى ئايرودروملار تاقالغان.

خىتاي ھۆكۈمەت تەرەپنىڭ ئاشكارىلىشىچە، شىۋىرغانلىق قاردا 4 مىليون 700 مىڭ ئادەم ئاپەتكە ئۇچرىغان، 7000 ئۆي ئۆرۈلۈپ چۈشكەن، ئىقتىسادىي زىيان 5 مىليارد دوللارغا يەتكەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.