Шаңхәйдин бешкәккә учқан йүк айрупилани һадисигә учриди

Бирләшмә агентлиқниң баян қилишичә, шаңхәй пудоң айрудромидин бешкәккә учқан м д 11 бәлгилик йүкчи айрупилан 28‏ - ноябир күни йәрлик вақит әтигән саәт 8 дин 12 минут өткәндә, һаваға көтүрүлүпла һадисгә учриди.
Мухбиримиз вәли
2009-11-28
Елхәт
Пикир
Share
Принт

Зимбабувиниң бейҗиңдә турушлуқ әлчиханиси бу айрупиланни зимбабуви һава қатнишиниң айрупилани дәп етирап қилди.

Хәвәрдә ейтилишичә, бу айрупиландики 7 нәпәр учқучиниң 3 и һадисиә өлгән, қалған төти яриланған. Америкиниң бейҗиңдики әлчиханиси бу қетимқи вәқәдә өлгән 3 нәпәр учқучини вә яриланған бир учқучини америкилиқ дәп етирап қилди. Қалғанлири һиндонезийилик, белигийилик, зимбабувилиқ учқучилар икән.

Б б с ниң баян қилишичә, бу айрупилан чүшүп кәткәндин кейин иккигә парчилинип от ичидә қалған, 'шәрқ һава қатниши' сәддичн ширкитиниң искилатиға от туташқан. Бу вәқә түпәйли шаңхәйдин учидиған 30 нәччә юлучи айрупилан кечиккән. 4 Миңдин артуқ юлучи айрупилан ичидә туруп йерим күн сақлиған.

Бүгүн шинхуа агентлиқи шаңхәйдин бешкәккә учқан бу йүкчи айрупилан "һаваға көтүрүлүпла от туташқандин кейин чүшүп кетип пачақланди," дәпла хәвәр қилди. Буниңдин бурун 2008‏ - йили хитайниң икки урушчи айрупилани ички моңғолйидә бир - биригә соқулуп кетип пүтүнләй пачақланғанда, 2006 ‏ - йили хитайниң һәрби айрупилани әнхуйда чүшүп кетип пачақланғанда, һаисидә йүз бәргән қаза әһвалини юшурған иди.

Пикирләр (0)
Share
Толуқ бәт