Гуаңдуңда бовақ әткәсчилиридин қутқузувелинған 11 балиға игә чиқмиған

Хитайчә нәнфаң гезитиниң хәвәр қилишичә, гуаңдуң өлкисиниң шәнвей наһийисидә, бовақ әткәсчилиридин қутқузувелинған 11 балиға игә чиқмиған.
Мухбиримиз шоһрәт һошур
2010-10-19
Share

Бу йилниң бешида гуаңдуң сақчилири бовақ әткәсчилики билән шуғуллиниватқан бир әткәсчиләр гуруһини паш қилип, әткәсчиләрниң қолидики 26 бовақни қутулдуруп қалған.

Вәқә ашкариланған 9 айдин бери, 15 боваққа игә чиққан болсиму, қалған 11 бовақ игисиз қалған. Нөвәттә бу 11 бовақниң бир қисми делони паш қилған сақчиларниң өйидә беқилмақта, бир қисми болса һөкүмәт айриған хираҗәт билән башқиларға вақитлиқ бақтурулмақта.

Хәвәрдә әткәсчиләрдин қутулдурулған балиларниң қайси өлкә, қайси шәһәргә тәвә икәнлики, әткәсчиләрниң бу балиларни қачан вә қандақ йоллар билән қолға чүшүргәнлики һәққидә һичқандақ мәлумат берилмигән.
       
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт