Хитай һөкүмити интернет учур алақисини чәкләйдиған йеңи тәдбирләрни алидиғанлиқини билдүрди

Хитай һөкүмити интернет учур - алақисини чәкләшни күчәйтидиған йеңи тәдбирләрни алидиғанлиқини билдүрди. Хитай ахбаратида көрситишичә, мәзкур тәдбирләр " чәтәл күчлири"ниң интернет арқилиқ сиңип киришиниң алдин елишқа қаритилидикән.
Мухбиримиз җүмә
2010.05.03
Share on WhatsApp
Share on WhatsApp

Шинхуа ахбаратида нәқил қилишичә, хитай дөләт кабинети ахбарат ишханиси баянатчиси ваң чен: " зиянлиқ учурларниң хитайда тарқап кетишиниң алдини елиш үчүн, биз бу хил учурларниң хитайға киришигә қаритилған чәкләшни күчәйтимиз. Чәтәл дүшмән күчлириниң хитайға сиңип киришигә тақабил туримиз" дегән.

Һалбуки у, бу нөвәт йолға қоюлидиған йеңи тәдбирләрниң тәпсилати һәққидә тохталмиған.

Хәвәрдә оттуриға қоюлушичә, бу нөвәт елинидиған йеңи тәдбирләрдә торда қимар ойнаш, тордики шәһваний учурлар, алдамчилиқ вә башқа шәкилдики җинайи қилмишларға зәрбә бериш дәриҗисиму ашурулидикән.

Өткән һәптә, хитай қанун түзүш органлириниң "дөләт мәхпийәтлики қануни"ға түзитиш киргүзүдиғанлиқи илгири сүрүлгән иди. Мәзкур қанун лайиһисидә учур - алақә ширкәтлириниң абуничиларни назарәт қилиш мәсулийити күчәйтилидикән.

Хитай ахбарат әркинлики әң қаттиқ чәклимигә учрайдиған дөләтләрни бири болуп, "чегрисиз мухбирлар тәшкилати" бүгүн елан қилған йеңи доклатида хитай рәиси ху җинтавни "ахбарат әркинликиниң дүшмини" дәп көрсәтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.