Хитай компютерларға тор сүзгүчи 'йешил тосма' юмшақ детали орунлаштуруш пиланини кечиктүргән

Хитай һөкүмити ички вә хәлқара бесимлар сәвәби хитайда ишләпчиқирилған вә сетилидиған компютерларға тор сүзгүчи "йешил тосма" юмшақ детали қачилаш қарарини иҗра қилишни кечиктүргән. Хитай санаәт вә учур министирлиқи "йешил тосма" юмшақ детали қачилаш қарариниң 1 ‏- июлдин башлап рәсмий күчкә игә болидиғанлиқини елан қилған. Лекин һөкүмәт мәзкур қарар күчгә игә болуштин бир қанчә саәт бурун "йешил тосма" пиланиниң кечиктүрүлгәнликини елан қилди.
Мухбиримиз әркин
2009-07-01
Share

Хитайниң "йешил тосма" пилани америка вә ғәрб әллириниң наразилиқини қозғап, мәзкур пилан учур әркинлики вә әркин сода келишимигә хилап дәп тәнқидләнгән иди. Лекин хитай санаәт вә учур министирлиқи бәзи карханиларниң бу қарарни бәлгиләнгән вақит ичидә иҗира қилишқа йитишәлмигәнлики сәвәбидин "йешил тосма"ниң кичиктүрүлгәнликини билдүргән. Бейҗиңдики хитай кишилик һоқуқ адвокати ли фаңпиң, мәзкур пиланниң кичиктүрүлгәнликини"җуңго мәдәний җәмийитиниң ғәлибиси" дегән.

Хитай "йешил тосма"ниң кечиктүрүлгәнликини елан қилиштин бурун, америка ташқи ишлар министирлиқи баянат елан қилип, америка һөкүмитиниң буниңдин биарам болғанлиқини вә хитай билән сөзлишидиғанлиқини билдүргән. явропа иттипақи "йешил тосма"ниң бикар қилинишини тәләп қилған иди. Учур техника санаәт кеңиши, юмшақ детал вә учур техника санаәт җәмийити қатарлиқ америка компютер карханилириға вәкиллик қилидиған органлар "йешил тосма"ниң кечиктүрүлгәнликини қарши алған.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт