Хитайниң хейлоңҗяң өлкисидә йүз бәргән кан вәқәсидә өлгәнләрниң сани 92 нәпәргә йәтти

21 - Ноябир күни хитайниң шәрқий шималидики хейлоңҗяң өлкисиниң хегаң районидики шиншин көмүр кенида партлаш йүз берип, 92 адәм өлгән. Хитай мәтбуатлириниң хәвәр қилишичә, қутқузуш ишлири җиддий елип берилмақта һәмдә мәзкур канниң башлиқи, муавин башлиқи вә баш инженери хизмитидин қалдуруветилгән.
Мухбиримиз үмидвар
2009.11.22
Share on WhatsApp
Share on WhatsApp

Партлаш авазини кандин 10 километир неридики адәмләрму аңлиған болуп, бу хитайда йеқинқи вақитлардин буян йүз бәргән әң еғир кан партлаш вәқәси болуп һесаблинидикән. Мәзкур канниң 90 йиллиқ тарихи бар болуп, бир қәдәр заманивилашқан икән.

Б б с агентлиқиниң хитай һөкүмәт мәтбуатлиридин нәқил кәлтүрүшичә, хитай кан вәқәлири әң көп йүз беридиған мәмликәт болуп, өткән бир йил ичидила 3200 дин артуқ кан ишчиси түрлүк вәқәләрдә һаятидин айрилған икән.

Хитай һөкүмити кан ишлиридики бихәтәрлик тәдбирлирини күчәйтишни тәләп қилған болсиму, лекин хусусийлар ачқан канлар вә башқиларниң пәқәт мәһсулат миқдарини қоғлишип, бихәтәрлик ишлириң йәнила йетәрсиз болуп қалғанлиқи тәнқид қилинмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.