Хитайниң македонийигә мәктәп аптобуси ярдәм қилиши хитай тор әзалириниң қаттиқ тәнқидигә учриди

Хитай һөкүмити җүмә күни явропа дөлити македонийигә 23 йүрүш мәктәп аптобуси совға қилған иди. Бу, хитай тор әзалириниң қаттиқ тәнқидигә учриди. Хитайчә сина то рбетигә дөшәнбә күнигә қәдәр 500миңдин артуқ инкас йезилған. Инкасларда хитай һөкүмитиниң хитайдики мәктәп оқуғучилириниң қатнаш мәсилисини һәл қилмай туруп, башқа дөләтләрдики мәктәп балилириға көңүл бөлүши аччиқ вә һәҗивий сөзләр билән тәнқид қилинған. Болупму, македонийигә аптобус совға қилишниң, гәнсудики қатнаш вәқәсидә 19 йәсли оқуғучиси өлүп аридин бир ай өтмигән бир мәзгилгә тоғра келиши хитай тор әзалириниң оғисини қайнатқан.
Мухбиримиз шөһрәт һошур
2011.11.28
Share on WhatsApp
Share on WhatsApp

Хитайниң бүгүнки ахбарат елан қилиш йиғинида, чәтәл мухбирлири хитай баянатчидин, тордики мәзкур инкасларға қарита позитсийисини сориған. Хитай баянатчи тордики тәнқидләр тоғрисида бир нәрсә демигән. Әмма, македонийиниң әйни чағда, сичүәндә йәр тәвригәндә апәткә учриғучиларға ярдәм қилғанлиқини, мана бу яхшилиққа җавабән мәзкур аптобусларниң совға қилинғанлиқини билдүргән. Америка авазиниң хәвәр қилишичә, хитайниң македонийигә аптобус совға қилиши ғулғула қозғиған бир пәйттә, лявниң өлкисидә бир мәктәп аптобуси өрүлүп аптобустики 39 оқуғучидин 35 нәпири яриланған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.