Хитай уйғур елидә истратегийилик нефит записи базиси қуруш қурулушини башлиди

Хитай даирилириниң җүмә күни ашкарилишичә, хитай пәйшәнбә күндин башлап майтағ районида уйғур илидики тунҗи истратегийилик нефит записи базисини қурушқа башлиған.
Мухбиримиз әркин
2009-09-25
Share

Франсийә ахбарат агентлиқиниң бу һәқтики бир хәвиридә хитай дөләтлик енергийә министирлиқиниң мәсули җаң губавниң сөзини нәқил кәлтүрүп көрситишичә, у "биз нефит записи базисини қуруш қурулушини түнүгүндин башлап шинҗаңдики майтағда башлидуқ.... Бу 2 ‏- басқучлуқ нефит записи база қурулушиниң башланғанлиқини көрситиду" дегән.

Шинхуа агентлиқиниң хәвиригә қариғанда, юқириқи әмәлдар қазақистан вә русийидин импорт қилинған 4.5 Милйон куб метир хам нефитниң бу базида сақлинидиғанлиқи, нефит қачилаш ишлириниң өктәбирдә башлинидиғанлиқини билдүргән.

Майтағдики бу истратегийилик запас нефит базисида хитайниң 2‏ - басқучлуқ истратегийилик запас нефит пиланидики омуми нефит записиниң 20% и, майтағдики мәзкур запас нефит базисида сақлинидикән.

Шинхуа агентлиқиниң хәвәр қилишичә, пәйшәнбә күни йәнә хитайниң уйғур илидики 6 енергийә қурулуш түри иш башлиған. Бу 3 електр истансиси, бир суюқландурулған тәбиий газ қурулуши вә бир електр тори қурулушини өз ичигә алидикән.

Җаң гобав бу қурулуш түрлиригә 23 милярд йүән мәбләғ селинидиғанлиқи, 6000 кишигә хизмәт тепилидиғанлиқини билдүргән.

Хитайниң 1‏ - басқучлуқ истратегийилик запас нефит базиси, шәрқий далийәндики җенхәй, хуаңдав, җавшәнләрдә қурулған болуп, 16 милйон куб метир хам нефит сиғатти. Әгәр хитайниң майтағдики 2 - басқучлуқ запас нефит базиси пүтсә, бу хитайниң 90 күнлүк нефит еһтияҗини қамдиялайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт